Muhabbat yun nahin achhi
Posted by julievora on May 1, 2007
Koi wada nahin hum men
Na aapas men bohat baatien
Na milne men bohat shookhi
Na aakhir shab munaajatien
Magar ik un kahi si hai
Jo hum dono samajhte hain
Ajab ik sarkhushi si hai
Yeh sare dilruba manzar
Tilismi chandni raataien
Sunehre dhoop ke mausam
Ya halki sukh ki barsaatein
Sabhi ik dhun men rehte hain
Mujhay paihum ye kehte hain
Muhabbat yun nahin achhi
Muhabbat yun nahin achhi
